У гэтым годзе спаўняецца 450 год з часу прыняцця на канвакацыйным сойме Вялікага Княства Літоўскага і Польскага Каралеўства Акта аб верацярпімасці, які зацвярджаў роўныя правы грамадзян усіх хрысціянскіх веравызнанняў. У 1588 г. гэты акт быў уключаны ў тэкст Трэцяга Статута Вялікага Княства Літоўскага.
У фондах НПГКМЗ сабрана значная калекцыя выданняў друкарняў Вялікага Княства Літоўскага XVI-XVIII стст., якія належалі прадстаўнікам розных канфесій. Кнігі выкарыстоўваюцца пераважна ў асноўнай экспазіцыі.
Віртуальная выстава дапаможа пазнаёміцца з найбольш цікавымі дакументамі з фондаў НПГКМЗ, якія прадстаўляюць яркія старонкі гістарычнага мінулага, звязанага з развіццём поліканфесійнага айчыннага кнігадрукавання ранняга Новага часу.