У суседніх з Полацкам і Наваполацкам Ушачах дазволілі ўсталяваць помнікі пісьменнікам Васілю Быкаву і Рыгору Барадуліну. Пра гэта распавёў на сваёй старонцы ў Facebook журналіст Глеб Лабадзенка.
Рыгор Барадулін і Васіль Быкаў. Фота: budzma.by.
«Ушацкі райвыканкам выдаў мне дазвол на ўсталяванне ў цэнтры Ушачаў бюстаў Рыгора Барадуліна і Васіля Быкава! Гэта стала вынікам амаль года перамоваў і ўзгадненняў у розных інстанцыях, але цяпер маю на руках усе неабходныя дакументы», — напісаў Лабадзенка.
Як вынікае з дакумента, апублікаванага Лабадзенкам, Ушацкі райвыканкам дазволіў устанавіць помнікі-бюсты літаратараў у цэнтры горада — у скверы каля дома №16 па вуліцы Ленінскай і дома №13 па вуліцы Савецкай. Пасля ўсталявання помнікі перададуць на баланс мясцовай ЖКГ.
Фота: Facebook Глеба Лабадзенкі.
На стварэнне, дастаўку і ўсталяванне помнікаў неабходна каля 33 тысяч рублёў. Глеб Лабадзенка прапануе неабыякавым беларусам паўдзельнічаць у зборы сродкаў. Па рэквізіты можна звярнуцца да яго ў асабістыя паведамленні ў Facebook або па электроннай пошце labadzenka@gmail.com.
Як паведаміў Лабадзенка, за першыя два дні сабралі 5677 рублёў — шостую частку ад неабходнай сумы.
Дарэчы, днямі ў Мінску ўсталявалі памятную дошку Васілю Быкаву на доме, дзе ён жыў у Мінску.
Сын Васіля Быкава Сяргей побач з дошкай. Фота: Facebook Глеба Лабадзенкі.
Пісьменнік і грамадскі дзеяч Васіль Быкаў нарадзіўся ў вёсцы Бычкі Ушацкага раёна ў 1924 годзе, памёр у 2003 годзе ў Мінску. Ён не пісаў вершы. Паэт, эсэіст і перакладчык Рыгор Барадулін нарадзіўся ў 1935-м на хутары Верасоўка ва Ушацкім раёне, памёр у Мінску ў 2014 годзе, пахаваны ва Ушачах — побач з магілай маці. Легендарныя беларускія літаратары названыя ганаровымі грамадзянамі Ушацкага раёна.
Чытайце таксама: Як у Музеі беларускага кнігадрукавання адзначаюць 30-годдзе — фотарэпартаж
Паглядзіце, як палачане традыцыйнае Купалле адзначалі – фотаздымкі і відэа
Оставайтесь с нами в социальных сетях:
