Главная > Новости > Новости компаний > Два гады #яанлайн: валанцёры праекта А1 працягваюць рабіць мабільныя тэхналогіі даступнымі для ўсіх


Два гады #яанлайн: валанцёры праекта А1 працягваюць рабіць мабільныя тэхналогіі даступнымі для ўсіх

16:00, 02.12.2022 491

Вось ужо два гады ў Беларусі дзейнічае валанцёрскі рух #яанлайн, створаны па ініцыятыве кампаніі А1. Далучыцца да яго можа кожны, хто хоча навучыцца карыстацца смартфонам і мабільным інтэрнэтам або навучыць гэтаму іншых. Зараз за дапамогу ў асваенні сучасных тэхналогій удзельнікі праекта могуць атрымаць смартфон або планшэт, каб з дапамогай новых гаджэтаў зрабіць працэс навучання яшчэ больш камфортным і эфектыўным.

7474

За два гады з моманту стварэння праект #яанлайн, які рэалізуецца А1 у адпаведнасці са стратэгіяй экалагічнага, сацыяльнага і карпаратыўнага кіравання (ESG), аб'яднаў некалькі тысяч валанцёраў і іх вучняў з розных рэгіёнаў Беларусі. Акрамя таго, сайт ініцыятывы стаў адукацыйнай платформай, дзе можна знайсці карысныя матэрыялы – практычныя рэкамендацыі для камунікацыі з пачынаючымі інтэрнэт-карыстальнікамі, #яанлайн-даведнік для людзей старэйшага ўзросту і многія іншыя.

Асноўнымі групамі, з якімі працуюць валанцёры, з'яўляюцца людзі старэйшага ўзросту і людзі з інваліднасцю, бо яны патрабуюць асаблівага падыходу ў вывучэнні сучасных тэхналогій. Толькі гэтай восенню больш за 70 сацыяльных работнікаў прынялі ўдзел у конкурсе А1 і з 14 кастрычніка па 24 лістапада навучылі лічбавай граматнасці больш за 200 вучняў – людзей старэйшага ўзросту і людзей з інваліднасцю, а самыя актыўныя ўдзельнікі атрымалі ў якасці ўзнагароды новыя гаджэты.

Каб падтрымаць і іншых валанцёраў, якія дапамагаюць гэтым катэгорыям інтэрнэт-карыстальнікаў, А1 абвясціў новы конкурс для ўсіх удзельнікаў руху #яанлайн. Для перамогі ў ім неабходна ў перыяд з 1 снежня 2022 года па 1 лютага 2023 года навучыць лічбавай граматнасці як мага больш людзей старэйшага ўзросту або людзей з інваліднасцю.

5A3A7951

Для ўдзелу ў конкурсе трэба:

- зарэгістравацца на афіцыйным сайце конкурсу ionline.a1.by ці ўжо быць зарэгістраваным там;

- пасля рэгістрацыі прайсці тэст для пацверджання кампетэнцыі выкладчыка лічбавай граматнасці, адказаўшы правільна на мінімум 8 з 10 пытанняў;

- атрымаць электронны сертыфікат;

- прыступіць да навучання.

Спецыяльна для валанцёраў створана відэаінструкцыя, у якой прапісаны ўсе крокі па ўдзелу ў конкурсе. Таксама яны могуць скарыстацца матэрыяламі і практычнымі парадамі, даступнымі на сайце https://ionline.a1.by.

5A3A8233

Па адным пераможцу будзе выбрана ў кожным з рэгіёнаў у Беларусі і асобна ў горадзе Мінску. Усе яны атрымаюць у якасці ўзнагароды смартфоны HUAWEI Nova 8i. Яшчэ тры фіналісты, якія навучаць больш за ўсё людзей старэйшага ўзросту і людзей з інваліднасцю ўвогуле па краіне, будуць узнагароджаныя планшэтамі HUAWEI MatePad 10.4 64GB.

Удзел у конкурсе могуць прымаць абаненты любога мабільнага аператара. Больш падрабязна з правіламі конкурсу можна азнаёміцца тут, а дадатковыя пытанні накіраваць на электронную пошту праекта support@a1ionline.by.

Далучайцеся да валанцёрскага руху #яанлайн і дапамагайце адкрыць свет інтэрнэт-магчымасцяў тым, для каго гэта асабліва важна!








Не вижу код