Главная > Новости > Культура > Праз яго творы спасцігаеш Беларусь – не прапусціце выставу знакамітага мастака Гаўрыіла Вашчанкі ў Полацку


Праз яго творы спасцігаеш Беларусь – не прапусціце выставу знакамітага мастака Гаўрыіла Вашчанкі ў Полацку

19:45, 20.03.2023 1450 Источник: gorod214.by/

Выстава пад назваю «Крылы» працуе ў Мастацкай галерэі Полацка. Яна прымеркавана да 95-годдзя народнага мастака, лаурэата Дзяржаўнай прэміі, акадэміка жывапісу Гаўрыіла Вашчанкі (1928-2014). Творы знакамітага майстра ўваходзяць у залаты фонд выяўленчага мастацтва Баларусі, знаходзяцца ў 28 калекцыях і музеях розных краін свету.

fd45f6cfb21a0c2d52e8e761355d2ad0

Фота: з архіву сям'і

З вялікай пашанаю гаварыла пра мастака на адкрыцці выставы загадчыца Мастацкай галерэі Ларыса Лысенка. Гаўрыіл Харытонавіч, успамінала яна, валодаў магіяй асаблівай прыцягальнасці, сустрэчы з ім і яго творамі пранікалі ў душу, заставаліся ў памяці на доўгія гады. Гэта знакавая постаць ў беларускім мастацтве.

DSC_8224_1

Фота: Кірыл Смалякоў

Мастацтвазнаўца Таццяна Гаранская зазначыла, што веліч Гаўрыіла Вашчанкі як мастака яшчэ патрабуе асэнсавання – настолькі ён невычэрпны, непаўторны, рознапланававы. Яго ні з кім не пераблытаеш. Гэта майстар высокага класу, паэт, філосаф, тытан мыслення.

DSC_8293 

«Калі чалавек здатны ўспрымаць хараство, ён абавязкова знойдзе ў творчасці Гаўрылы Харытонавіча нешта блізкае. Кожным сваім творам маэстра робіць крок да кожнага беларуса. Яго мастацтва нясе ген беларускасці, геніяльнасці, чалавечнасці», – казала Таццяна Гаранская.

DSC_8311 

Гаўрыла Вашчанка з’яўляецца заснавальнікам творчай дынастыі. Яго сын Канстанцін Вашчанка паспяхова працуе ў галіне станковай, кніжнай і камп’ютарнай графікі, прафесійна займаецца фатаграфіяй, кніжнымі выданнямі, плакатамі, календарамі, распрацоўвае наватарскія арт-аб’екты для адкрытай і камернай прасторы. Гэта ён працаваў над дызайнам шматтомнага факсімільнага выдання «Кніжная спадчына Францыска Скарыны», што было адзначана на рэспубліканскіх і міжнародных конкурсах «Мастацтва кнігі».

DSC_8297

На адкрыцці выставы ў Полацку Канстанцін Вашчанка правёў цікавую экскурсію па творах бацькі. Падзялілася ўспамінамі пра знакамітага дзядулю і ўнучка Гаўрыіла Харытонавіча Ангеліна Вашчанка.

DSC_8321

Дзяўчына вучыцца на апошнім курсе мастацкай акадэміі, але ўжо паспяхова спрабуе сябе ў розных відах выяўленчага мастацтва, удзельнічае ў выставах. Дзядуля для яе – вялікі творца, волат, мысляр і вельмі добры чалавек, які ніколі не пакрыўдзіць. У кожным яго руху і поглядзе адчувалася моц, глыбіня, мудрасць.



Было б здорава, лічыць Ангеліна Вашчанка, каб суайчыннікі больш даведаліся пра асобу Гаўрылы Харытонавіча. Творчасць гэтага мастака вельмі важная для беларусаў, бо праз яго працы можна зразумець, палюбіць і спасцігнуць Беларусь, адчуць, як яна адгукаецца ў сэрцы, пабачыць, што адбывалася ў душах людзей у той ці іншы час.

DSC_8300

DSC_8210

DSC_8240

DSC_8265

DSC_8303_1

Читайте также: Фестиваль старинной и современной камерной музыки стартует в Полоцке 21 марта – узнайте программу

В Полоцке назвали победителей вокального конкурса «Манящие аккорды романса»

Новая выставка открылась в Художественной галерее Полоцка

 

Оставайтесь с нами в социальных сетях: 

insta   58cbe3ace31ff15adc715b82  







Не вижу код