У Цэнтры рамёстваў і традыцыйнай культуры Наваполацка пачала працаваць выстава «Скарбніца майстэрства». Мы пабылі на адкрыцці і прапануем пазнаёміцца з экспазіцыяй па фотаздымках нашага карэспандэнта Кірыла Смалякова.
Выстава прысвечана Году беларускай жанчыны. Арганізатары запрашаюць прасякнуцца магіяй народных рамёстваў, якія адлюстроўваюць этнічную ўнікальнасць беларусаў.
У экспазіцыі можна пабачыць рэплікі і рэканструкцыі беларускіх традыцыйных строяў, тканыя дарожкі і паясы, вырабы з набіванкай, створаныя наваполацкімі майстрамі.
Выстава паказвае, што народнае мастацтва жыве і развіваецца – жыхары сучаснага горада шануюць і зберагаюць традыцыі продкаў, цікавяцца спадчынай, аднаўляюць старажытныя святы і абрады, вывучаюць і пераймаюць розныя віды рамёстваў. Адзін з доказаў таму – дзейнасць народнага калектыву архаічных спеваў «Княжыч», які выступіў на адкрыцці выставы.
Экспазіцыя ў Цэнтры рамёстваў Наваполацка будзе працаваць да 20 сакавіка. Даведкі можна атрымаць па тэлефоне 50-32-82.
Читайте также: «В нем живет память рода». Посмотрите, какой необыкновенный костюм-оберег создала мастерица из Полоцка
Как в Полоцке будут праздновать Масленицу? Публикуем программу
Оставайтесь с нами в социальных сетях:
