Пальмовая, або Вербная, нядзеля адзначаецца за тыдзень да Вялікадня. У гэты дзень вернікі ўспамінаюць уваход Езуса ў Іерусалім. Паводле Евангелля, ізраільскі народ сустрэў Яго як Месію: людзі кідалі на дарогу вопратку і пальмовыя галіны, крычаўшы: «Гасанна ў вышынях! Блаславены той, хто прыходзіць у імя Пана!». Прыгажосць і глыбіню гэтых традыцый можна ўбачыць і цяпер: прапануем да агляду фотарэпартаж з касцела Святога Андрэя Баболі ў Полацку.

Фота: Кірыл Смалякоў

Назва «Пальмовая нядзеля» ўвайшла ў ўжытак з ХІ стагоддзя, калі ўзнік звычай бласлаўляць пальмовыя галінкі ў гэты дзень. Аднак у Беларусі, як і ва многіх іншых еўрапейскіх краінах, дзе пальмы не растуць, гэты сімвал быў замежаваны галінкамі вярбы. Так з’явілася другая назва свята – Вербная нядзеля, або Вербніца.

У нашыя дні вернікі прыходзяць у храмы з упрыгожанымі галінкамі вярбы – іх асвячаюць падчас спецыяльнага абраду. Асвячоныя галінкі прынята захоўваць на працягу ўсяго года: звычайна імі ўпрыгожваюць абразы і «чырвоныя куты» – асаблівыя месцы ў доме, дзе размешчаны святыя выявы.

Вербная нядзеля знаменуе пачатак апошняга этапу падрыхтоўкі да Вялікадня і распачынае Вялікі тыдзень (Тыдзень пакутаў Гасподніх). У гэты перыяд вернікі асабліва ўспрымаюць і ўзгадаюць ключавыя падзеі жыцця Хрыста: апошнія дыскусіі з іудзеямі ў святыні; прадказанне аб разбурэнні Іерусаліма; апошнюю вячэру з вучнямі (Вялікі, або Чысты чацвер); арышт і ўкрыжаванне Езуса (Вялікая пятніца); прабыванне Хрыста ў труне (Вялікая субота).

Чытайце таксама: В Полоцке выступит один из самых известных виолончельных ансамблей мира Rastrelli Cello Quartet

В Софийском соборе Полоцка пройдет XXXVIII Фестиваль старинной и современной камерной музыки

В Новополоцке представили выставку Александра Коновалова «чеЛОВек». Фоторепортаж с открытия