Фальклорны гурт «Варган» абвясціў пра адкрыццё веснавога танцавальнага сезона. Пачнецца ён з унікальнай падзеі. У Полацк завітаюць асаблівыя госці – вядомыя этнахарэографы Сяргей Выскварка і Ігар Вузлоў. Запрашаюць усіх, хто цікавіцца фальклорнай спадчынай, хоча больш даведацца пра традыцыі продкаў або проста адпачыць і цікава правесці час.

На майстар-клас па танцах усіх запрашаюць 3 красавіка ў 18.30.
4 красавіка ў 14.00 адбудзецца навукова-практычны семінар «Пытанні захавання і папулярызацыі фальклорнай спадчыны сярод дзяцей і моладзі».

«Не прапусціце унікальную магчымасць паўдзельнічаць у нашых мерапрыемствах і даведацца шмат цікавага», – заклікаюць варганаўцы.
Уваход вольны. Для ўдзелу ў майстар-класе варта ўзяць зменны абутак.


Читайте также: В Софийском соборе Полоцка пройдет XXXVIII Фестиваль старинной и современной камерной музыки
В Полоцке выступит один из самых известных виолончельных ансамблей мира Rastrelli Cello Quartet
У Полацку запрашаюць разам адзначыць свята «Гуканне вясны»