Полацк не завершыў ушанаванне помнікамі сваіх галоўных гістарычных герояў, лічыць пісьменнік Алесь Аркуш. Рэдакцыя выдання gorod214.by папрасіла палачаніна скласці спіс з пяці асобаў, якія заслугоўваюць помніка перш за ўсё.

Князь Рагвалод.

Першы вядомы нам полацкі князь. Адзін з галоўных стваральнікаў Полацкага княства. Пачынальнік полацкай княскай дынастыі.

Рагнеда.

Выява Рагвалода і Рагнеды са школьных падручнікаў

Полацкая княгіня, дачка Рагвалода, якую гвалтам узяў у жонкі кіеўскі князь Уладзімір. Побач з прападобнай Еўфрасінняй Полацкай самая вядомая жаночая гістарычная постаць у Беларусі.

Святы Торвальд.

Былы вікінг, які прасякнуўся вучэннем Хрыста і стаў хрысціянскім місіянерам. Лічыцца, што менавіта ён хрысціў Полацкую зямлю і пабудаваў у Полацку першы храм.

Варта таксама працягваць ушаноўваць помнікамі знакавых дзеячоў культуры, звязаных з Полаччынай. Прапаную дзве кандыдатуры.

Ян Баршчэўскі.

Пачынальнік беларускай літаратуры. Вучыўся ў Полацкім езуіцкім калегіюме. Праславіў Полацак і Полаччыну сваёй славутай кнігай "Шляхціц Завальня, альбо Беларусь у фантастычных апавяданнях".

Цікавыя факты пра пісьменніка тут.

Іван Хруцкі.

Партрэт невядомай з кветкамі і фруктамі, Іван Хруцкі

Славуты мастак ХІХ стагоддзя. Заключную частку свайго жыцця правёў у маёнтку Захарнічы пад Полацкам, дзе і пахаваны. Ілюстрацыя ягонай карціны ёсць нават на беларускіх грашовых банкнотах.

Чытайце также:  У Полацку адбыўся літаратурны фестываль Pradmova. Было шмат добрай літаратуры і музыкі (Фотаздымкі)

8 выдатных беларускіх кніг, якія трэба прачытаць кожнаму

Як Полацк адзначае Дзень горада. ФОТАРЭПАРТАЖ з першага святочнага вечара