Беларускаму рок-гурту Sumarok сёлета – 10 год. 26 кастрычніка — анлайн-канцэрт лідара гурта Ігара Палынскага, прымеркаваны да юбілею!

Хто гэта?

Ігар Палынскі — музыкант і журналіст, які нарадзіўся ў Полацку. У 2009 годзе ён заснаваў рок-гурт, які сёння мае назву Sumarok. На рахунку калектыва — тры альбомы, некалькі сінглаў і безліч канцэртаў у Беларусі і за мяжой. Дарэчы, голасам Ігара Палынскага «размаўляюць» цягнікі з Полацка на Маладзечна, Алёшчу, Бігосава і іншыя.

Што за канцэрт?

Аўдыторыя Sumarok не абмяжоўваецца нейкай тэрыторыяй. Таму вырашылі зладзіць канцэрт, папрысутнічаць на якім можна ў любой кропцы свету. Дастаткова мець камп'ютар, ноўтбук, тэлефон або які іншы гаджэт, які мае доступ да інтэрнэту. Імпрэза распачнецца ў суботу, 26 кастрычніка, у 20:30.

Як глядзець?

Канцэрт пройдзе на стрымінгавай платформе Gigagig.tv. Спасылка на трансляцыю. Каб атрымаць доступ, трэба зарэгістравацца і набыць квіток, які каштуе 6 рублёў (7 у дзень канцэрта).

Хачу бясплатна!

Gorod214.by разыгрывае ДВА квіткі на анлайн-канцэрт! Для таго, каб атрымаць іх, вам трэба проста першымі даслаць лісты на наш адрас электроннай пошты news@gorod214.by і пакінуць там свае кантактныя дадзеныя. 

Чытайце таксама: Першы канцэрт новых «Званоў Сафіі» адбыўся ў Полацку. Як гэта было — фотаздымкі 

Ранішнія «Спевы над Дзвіной» на сярэднявечным фэсце ў Полацку – фотарэпартаж

У Полацку адбыўся літаратурны фестываль Pradmova. Было шмат добрай літаратуры і музыкі (Фотаздымкі)