12 сакавіка ў Наваполацку з канцэртам выступіць вядомы беларускі музыкант Зміцер Вайцюшкевіч. За некалькі дзён да сустрэчы з полацкімі і наваполацкімі слухачамі мы папрасілі галоўнага рамантыка айчыннай музыкі адказаць на некалькі пытанняў.
Фота: budzma.by
— Якую праграму вы рыхтуеце да канцэрта ў Наваполацку?
Я зайграю песні на вершы Барадуліна і ягоных сяброў, паэтаў, вучняў. Так мы адзначым 85-годдзе паэта Рыгора Барадуліна. І, безумоўна, гэта будзе лірычны, вясновы канцэрт — с песнямі пра каханне, жанчын, рамантычныя стасункі паміж людзьмі.
— Полацк і Наваполацк для вас — гэта хто і што ў першую чаргу? Якія вобразы ўзнікаюць у свядомасці першымі, калі задумваецеся пра гарады над Дзвіной?
Полацк, безумоўна, адзін з самых прыгожых і важных гарадоў Беларусі. І вобразаў тут сапраўды багата: Францыск Скарына, Полацкая Сафія, гурт «Мясцовы Час», выдатныя паэты і пісьменнікі Уладзімір Арлоў, Вінцэсь Мудроў, Алесь Аркуш. Адсюль шмат што пачыналася. Выдатна ўсведамляю гэта, хоць сам паходжу з Навагрудчыны — таксама слаўных гістырачных мясцінаў.
Замовіць квіткі на канцэрт можна па тэлефоне 58-79-60.
Чытайце таксама: Еще одно возвращение «Ляписа» и городские романсы Войтюшкевича – весенние концерты анонсировали в Новополоцке
Очень яркий фоторепортаж с «Рождественских встреч в Полоцке». Там был новый мэр, епископ и не только
Оставайтесь с нами в социальных сетях:
