26 снежня ў полацкім Музеі ткацтва прайшла «Калядная вечарына», падчас якой дзеці і дарослыя паглядзелі лялечны спектакль і навучыліся рабіць пернікі.
Гасцей сустрэлі кароткай лекцыяй пра сутнасць Каляд і традыцыю іх святкавання на Беларусі. Працягнула сустрэчу батлейка – самаробны лялечны тэатр, вядомы на тэрыторыі нашай краіны з XVI стагоддзя.
Асаблівай папулярнасцю падчас Каляд здаўна карыстаўся спектакль «Цар Ірад», сюжэт якога апавядае пра Божае Нараджэнне. Гэтую п'есу пабачылі і госці музея.
Чакаў наведвальнікаў і майстар-клас па роспісе традыцыйных імбірных пернікаў, які праводзіла Крысціна Балбышава – сапраўдны прафесіянал у сваёй справе.
«І дзеці і дарослыя сталі ўладальнікамі прыгожай скрынкі з унікальнымі творамі пернікавага мастацтва. Вынік сумеснай творчасці атрымаўся уражлівы, а добры настрой стаў для ўсіх выдатным падарункам. Дзякуй усім, хто завітаў да нас», – распавяла загадчык музея Аксана Козел.
Фота: Кірыл Смалякоў
Чытайце таксама: Каталікі сустрэлі Божае Нараджэнне – фотарэпартаж з касцёла святога Андрэя Баболі ў Полацку
Новогоднюю иллюминацию зажгли в Полоцке. Там и правда много нового, посмотрите (Фоторепортаж)
Оставайтесь с нами в социальных сетях:
