На нашай зямлі традыцыйна з канца снежня да пачатку студзеня святкуюць Каляды – удзельнікі свята апранаюць адмысловыя строі і ходзяць ад хаты да хаты, выконваючы песні з пажаданнямі шчаслівай долі гаспадарам. Важнай часткай Каляд таксама з’яўляюцца гульні з удзелам міфалагічных персанажаў: то Казу уваскрасіць трэба, то ў Яшчура рэчы свае выпрасіць, не ўсміхнуўшыся.

Дар'я Алексяйчук, фота Кірыла Смалякова

Дзякуючы фальклорнаму гурту «Варган» у палачан была магчымасць стаць часткай святочнай дзеі. У нядзелю, сабраўшыся ў дыска-зале ПДУ, мы апынуліся ў іншай рэальнасці: жывая фальклорная музыка, песні-калядкі, вельмі энергічныя гульні і шмат смеху. Самаму малому госцю было каля трох годзікаў: разумееце, якое гэта ўніверсальнае свята для ўсіх узростаў?

А скончылася ўсё традыцыйна: заўзятай полькай, гапаком утраіх ды іншымі танцамі. Святочны настрой і зарад фальклорнай энергіі адназначна атрымалі ўсе!

Читайце также: «Каб неслі святло сярод цемры». У касцёле Святога Андрэя Баболі ў Полацку адсвяткавалі Божае Нараджэнне

Гномы в Полоцке. «Фабрика подарков» приглашает в новогоднее сказочное путешествие

Из Венеции — в Полоцк. Не пропустите новую выставку в Художественной галерее