У Музеі традыцыйнага ткацтва Паазер’я адкрылася новая выстава «З жалеза.by». Яна прысвеча гісторыі кавальства – аднаго з самых старажытных, таямнічых, сакральных рамёстваў, якім з даўніх часоў займаюцца беларусы.

Фота: Кірыл Смалякоў

Кавальства, як распавядаюць арганізатары выставы, заўсёды было акружана арэолам таямнічасці. Каваль лічыўся загадкавай фігурай, таму што яго заступнікам быў бог агню Пярун. Толькі кавалі валодалі сакрэтамі пераўтварэння цвёрдага металу ў патрэбную і карысную рэч.

Сялянін не мог абысціся без сякеры, цвікоў, для прамысловых заняткаў яму патрэбны былі цёслы і бусакі, скобы для лодак, рыбалоўныя кручкі. Для каменных і драўляных дамоў выкоўваліся скобы, клямкі, замкі і ключы. Без майстра-каваля не абыходзілася ніводнае паселішча. Добрага майстра ведала ўся акруга – яго паважалі і шанавалі, ім ганарыліся.

Музейшчыкі запрашаюць жыхароў і гасцей горада пабачыць  умоўны інтэр'ер вясковай майстэрні каваля, інструменты і шматлікія жалезныя вырабы, а таксама пазнаёміцца з разнастайнасцю кавальскіх традыцый.

Читайте также: «Род. Сям'я. Лёс чалавечы». На выставу старых фотакартак запрашаюць у Наваполацку

Стало известно, кто поборется за титул победительницы конкурса «Новополоцкая краса»

Новый концертный сезон открывается в Софийском соборе Полоцка 23 октября