Паўсюдна на могілках сёння можна сустрэць шмат людзей. Беларусы адзначаюць Радаўніцу – Дзень памінання памерлых. Шырокае распаўсюджанне старажытнага свята і ў наш час тлумачыцца душэўнай патрэбаю людзей ушаноўваць памяць продкаў, клапаціцца пра магілы родзічаў, маліцца аб іх душах.

Фота:Gorod214.by

Радаўніцу адзначаюць на дзевяты дзень пасля Вялікадня. Паходжанне назвы свята выводзяць ад розных слоў: «род», «радасць», «плач з галашэннем», «малітва з плачам і галашэннем па памерлых».

З даўніх часоў кожная сям’я ў гэты дзень ішла памінаць родзічаў і блізкіх спачатку ў царкву, потым на могілкі. На насыпу рассцілалі абрус і пачыналі памінальную трапезу. Крыху ад стравы прынята было пакідаць для мёртвых. У размовах успаміналі нябожчыкаў, як форма выяўлення смутку часта гучалі галашэнні.

«На Радаўніцу да абеду пашуць, па абедзе плачуць, а ўвечары скачуць», – кажуць у народзе. Згодна з гэтай прыказкай, дзень заканчваўся застоллем у больш вясёлай форме. Сімвалічнае значэнне рытуалу заключалася ў тым, каб не дапусьціць страху перад смерцю, сьцьвярджаць жыцьцёвы аптымізм.

Разнастайныя абрадавыя дзеянні на Радаўніцу былі скіраваны на тое, каб задобрыць душы продкаў, заслужыць іх спрыянне, апеку, падтрымку.

Па праваслаўных традыцыях на Радаўніцу прынята дзяліцца з памерлымі радасцю Вялікадня, апавяшчаць іх, што «Ісус Хрыстос уваскрос, як уваскрэсне кожны з нас».

Ісус Хрыстос сваім уваскрасеннем з мёртвых перамог смерць. І гэтая перамога павінна вяцясняць смутак аб часовай расстанні з роднымі – трэба радавацца іх нараджэнню ў новае, вечнае жыццё.

У гэты дзень у праваслаўных храмах праходзіць святочная служба, дзе гучыць памінальная малітва, да якой дадаюцца велікодныя спевы. Для памінання блізкіх вернікі падаюць запіскі з іх імёнамі, ставяць свечкі, прыносяць прадукты. Памінанне адбываецца і на могілках. Праваслаўныя хрысціяне запальваюць свечкі, моляць Госпада аб супакаенні душ родных і блізкіх.

Читайте также: На субботнике в Полоцке залили фундамент под стелу в честь героя-летчика Никиты Куконенко

Художественная галерея Полоцка приглашает на выставку картин великого мастера пейзажной живописи