Напярэдадні новага года выдавецтва «Рыфтур» выпусціла маляўнічыя насценныя календары «Планета Беларусь. 12 гістарычных мясцін для вашых падарожжаў» і «Планета Беларусь. 12 прыродных мясцін для вашых падарожжаў». Першы з іх адкрывае Полацк як самы старажытны горад краіны.

Фота: Сяргей Плыткевіч

Прэзентаваць студзеньскую старонку з Полацкам аўтары выдання пачынаюць са знакамітай цытаты пісьменніка Уладзіміра Караткевіча «Дзе Сафія плыве над Дзвіною, нібы карабель». Ілюструе вершаваны радок выдатнага беларускага творцы адпаведны вобразу фотаздымак Сяргея Плыткевіча. А ўнізе можна пабачыць архіўнае фота, што нагадвае пра былую архітэктурную дамінанту горада – Свята-Мікалаеўскі сабор.

Наступныя старонкі календара прысвечаны іншым знакавым і найбольш папулярным сярод турыстаў населеным пунктам. Архітэктурныя помнікі Віцебска, Гродна, Нясвіжа, Навагрудка, Браслава можна пабачыць з вышыні птушынага палёту і таксама суаднесці з архіўнымі фота.

У календарах «Планета Беларусь. 12 прыродных мясцін для вашых падарожжаў» нацыянальныя паркі і заказнікі праілюстраваны выявамі характэрных для гэтых тэрыторый птушак ці звяроў.

Выданні надрукаваны аднолькавым накладам ў двух варыянтах – па-беларуску і па-руску. Акрамя іншага, выдаўцы хочуць правесці своеасаблівы эксперымент і падагульніць, якой мове аддадуць перавагу жыхары Беларусі. Палачане таксама могуць выказаць сваю пазіцыю і паўдзельнічаць у незвычайным спаборніцтве. 

Календары можна набыць у кніжных магазінах, а таксама ў выдавецтве «Рыфтур» са знiжкай 20%.

Нагадаем, што дырэктар краязнаўчага выдавецтва «Рыфтур», вядомы беларускі фатограф і даследчык прыроды Сяргей Плыткевіч калісьці вучыўся ў Полацкім лясным тэхнікуме і лічыць Полацк сваёй другой радзімай. Вось тут ён узгадвае пра свае юнацкія гады, сяброў і выкладчыкаў, а вось тут адкрывае новую выставу ў Мастацкай галерэі.

У архіве фотамайстра – шмат цудоўных фотаздымкаў з Полацка, якія дэманстраваліся на выставах, ўвайшлі ў кнігі і альбомы.

Читайте также: «Там начиналась «Планета Беларусь». Почему фотомастер Сергей Плыткевич считает Полоцк своей второй родиной?

Красноборский рай в Полоцке: не пропустите новую фотовыставку в Художественной галерее

От мюзикла до драмы. Двенадцать разножанровых спектаклей покажут на театральном фестивале в Полоцке