Главная > Новости > Общество > Пад Мінскам археолагі знайшлі кераміку з трызубам. Гэта посуд з двара полацкага князя Усяслава Чарадзея? (Фота)


Пад Мінскам археолагі знайшлі кераміку з трызубам. Гэта посуд з двара полацкага князя Усяслава Чарадзея? (Фота)

10:00, 22.07.2020 1667 Источник: gorod214.by

У гэтыя дні ў вёсцы Гарадзішча пад Мінскам праходзяць археалагічныя раскопкі. Яны стартавалі ў панядзелак, 20 ліпеня, і археолагі ўжо здзейснілі шэраг значных знаходак. У тым ліку, меркавана, звязаных з Полацкам.

arch_allФота: Глеб Лабадзенка.

Раскопкі ладзяць на тэрыторыі сядзібы-музея «Стары Менск», які, дарэчы, распачаў працу усяго месяц таму. Сядзіба месціцца ў вёсцы Гарадзішча, каля самага замчышча на рацэ Менцы. Кіруе даследаваннямі кандыдат гістарычных навук, супрацоўнік Інстытута гісторыі Нацыянальнай акадэміі навук Беларусі, археолаг Андрэй Вайцяховіч.

arch_vajciakhovichАндрэй Вайцяховіч. Фота: Глеб Лабадзенка.

Ладзяць раскопкі з дапамогай валанцёраў. Адзін з іх — журналіст Глеб Лабадзенка, які распавёў Gorod214.by пра знойдзеную кераміку з выявай трызуба:

— Мы знайшлі, хутчэй за ўсё, былую хату — печ і два гаршкі. У першы ж дзень раскопак — донца гаршка з трызубам. Ёсць розныя меркаванні, хтосьці гаворыць, што гэта проста знак майстра. Але многія даследчыкі перакананыя: такі знак сведчыць аб сувязі з дваром полацкага князя Усяслава Чарадзея.

arch_tryzub1Фота: Глеб Лабадзенка.

Сталіца княства, як вядома, была ў Полацку, а тут, на Менцы, месцілася рэзідэнцыя князя. Самае першае донца з трызубам на гэтай тэрыторыі ў 1975 годзе знайшоў знаны археолаг, вядомы даследчык Полацкай зямлі Георгій Штыхаў. Сёння яно захоўваецца ў музеі Інстытута гісторыі Нацыянальнай акадэміі навук Беларусі.

arch_tryzub_schtyhauДонца гаршка з трызубам Х ст., якое знайшоў Георгій Штыхаў. Фота: miensk.by.

Дарэчы, у аўторак даследчыкі знайшлі яшчэ адзін фрагмент керамікі з выявай трызуба. «Можа, натрапілі на сервіз Усяслава Чарадзея?» — жартуе Глеб Лабадзенка.

arch_tryzub2

arch_tryzub1i2



Фота: Глеб Лабадзенка.

Журналіст распавёў, што ў афіцыйным дакуменце, атрыманым ад Акадэміі навук, сцвярджаецца: у X стагоддзі на гэтым месцы месціўся паўнавартасны горад, але людзі жылі тут як мінімум стагоддзем раней.

У першыя дні раскопак знайшлі пярсцёнак з арнаментам XI стагоддзя, фібулу, зуб і кіпець, верагодна, мядзведзя — збіраюцца паказаць заолагам.

arch_ring
Пярсцёнак. Фота: Глеб Лабадзенка.

arch_fibula
Фібула. Фота: Глеб Лабадзенка.

Керамікі знайшлі шмат, і донцы з трызубам — не адзіная керамічная каштоўнасць.

— Большасць знойдзенай керамікі адносіцца да XI стагоддзя — з палоскамі, венчыкамі, характэрнымі для Менкі. Але ёсць некалькі кавалкаў ляпной керамікі. Як вядома, ляпная кераміка — гэта максімум пачатак X стагоддзя, бо пасля з’явілася ганчарнае кола і посуд сталі вырабляць з яго дапамогай. Знойдзеная ляпная кераміка сведчыць, што ўжо ў IX стагоддзі тут было жыццё, — распавёў Глеб Лабадзенка.

Знаходкі перададуць для вывучэння ў Акадэмію навук. Але існуе дамоўленасць, што пэўная іх частка пасля будзе перададзеная сядзібе-музею «Стары Менск» на дэпазіт.

Чытайце таксама: Як у сярэднявечным Полацку «посцілі коцікаў» на сцяне царквы

Аптека иезуитов, храм 12 века и первые исследования Верхнего замка: археолог Алексей Коц рассказал о том, что нового на раскопках в Полоцке

Мы сходили на те самые раскопки в Полоцке, во время которых обнаружили уникальное подземелье. ФОТОРЕПОРТАЖ

Оставайтесь с нами в социальных сетях: 

facebook   messenger   social   insta   58cbe3ace31ff15adc715b82      



Автор: gorod214




Не вижу код





Разработка и продвижение ООО "Компания Сеть" NETWORK-COMPANY.BY ®