Главная > Новости > Забаўкі > Якім пабачыў Полацк Напалеон Орда? Вядомы мастак зрабіў тут чатыры малюнкі амаль 150 гадоў таму


Якім пабачыў Полацк Напалеон Орда? Вядомы мастак зрабіў тут чатыры малюнкі амаль 150 гадоў таму

08:55, 24.02.2022 2826 Источник: gorod214.by

Сёлета спаўняецца 215 год са дня нараджэння вядомага беларускаскага мастака Напалеона Орды. Дзякуючы яму ў сучасных беларусаў ёсць магчымасць пабачыць родныя мясціны такімі, якімі яны былі каля 150 гадоў таму. Полацкая вандроўка Орды адбылася ў 1875-1876 гг.

У Полацку мастак выканаў тры акварэлі і адзін малюнак алоўкам, кажуць даследчыкі. На іх знайшлі адлюстраванне галоўныя архітэктурныя каштоўнасці Полацка.

cats

Напэўна, самы вядомы малюнак Напалеона Орды, зроблены ў Полацку. Аўтар зрабіў некалькі надпісаў на сваёй працы: Палотва (Палата – рэд) і Дзвіна. Царква Св. Сафіі. Полацк на Старым замку. Касцёл базыльянаў (надпіс часткова закрэслены – рэд). Таксама надпіс быў і на картцы, падклеенай да малюнка: Полацк над Дзвіной пры ўпадзенні ў яе Палаты. Касцёл некалі базыльянаў. Гэты старажытны горад з XII стагоддзя прызнаваў уладу Літвы (насамрэч Полацк увайшоў у склад ВКЛ толькі на пачатку XIV ст  рэд).

cats2

Царква Спаса-Еўфрасіннеўскага манастыра. Выгляд галоўнага і бакавога фасадаў царквы, з правага боку месціцца драўляная званіца, у глыбіні бачны фрагмент царквы з купалам. Надпіс Орды: Рака Палотва (Палата - рэд), Спаскі дом уніяцкай Святой Ефрасінні. Полацк, Беларусь.

cats3

Полацк, былы езуіцкі касцёл і кляштар. Выгляд галоўнага і бакавога фасадаў, дзвюхвежавы касцёл з купалам. З левага боку ў глыбіні захаваўся фрагмент трохпавярховага кляштара, з правага – двухпавярховы будынак з рызалітам. Надпіс: 23 чэрвеня, Полацк.



800px-Połacak,_Rynak,_Daminikanski._Полацак,_Рынак,_Дамініканскі_(N._Orda,_23.06.1875-76)

Дамініканскі касцёл. Выгляд галоўнага і бакавога фасадаў мураванага касцёла. З левага боку – трохпавярховы кляштар, з правага – яшчэ тры кляштарныя збудаванні. Ня пярэднім плане месціцца драўляная агарожда. Надпіс: Полацк, Дамінікаскі касцёл. Тут ляжыць цела Св. Баболі (1591 - 1657). Мошчы перавезены ў Полацк у 1827 г.

Па матэрыялах кнігі Леаніда Несцярчука «Напалеон Орда. Шлях да Бацькаўшчыны»

Чытайце таксамаХранитель сокровищ. Открываем тайны Полоцка с Александром Соловьевым, который знает о старом городе все и даже больше

Когда Полоцк был на полвека моложе – посмотрите, как выглядит город на старых фотографиях

Літаратурнай прэміі «Гліняны Вялес», якую заснавалі ў Полацку, спаўняецца 30 гадоў

Оставайтесь с нами в социальных сетях: 

facebook   social   insta   58cbe3ace31ff15adc715b82      





КЛЮЧЕВЫЕ СЛОВА




Не вижу код