Музей гісторыі і культуры Наваполацка падрыхтаваў новую выставу «Для зямлі прадзедаў маіх», дзе можна пазнаёміцца з асаблівасцямі самабытнай матэрыяльнай і духоўнай культуры беларусаў.
Фота: Кірыл Смалякоў
«Запрашаем на нашу выставу, якая адлюстроўвае прыгажосць і непаўторнасць роднай Беларусі», – звяртаюцца супрацоўнікі музея да жыхароў рэгіёна.
На выставе дэманструюцца разнастайныя прадметы побыту нашых продкаў: рушнікі, посцілкі, калаўрот, гліняныя збаны, прылады працы. Гарманічна ўпісаліся ў экспазіцыю графічныя творы таленавітых землякоў Ягора Батальёнка і Анатоля Паўлыгі, што перадаюць гледачу асаблівае ўспрыманне прыгажосці родных краявідаў і замалёвак вясковага жыцця. Гэтыя карціны аднымі з першых былі ўключаны у фонды музейнай установы.
Працуе выстава да 5 жніўня.
Читайте также: «Внутри и снаружи»: новая выставка открылась в Художественной галерее Полоцка
Оставайтесь с нами в социальных сетях:
