Нядаўна ў Мастацкай галерэі можна было пабачыць выставу «Полацк у творах сучасных мастакоў», прысвечаную 1160-годдзю горада. У працяг знаёмства са старажытным горадам супрацоўнікі вырашылі падрыхтаваць новую экспазіцыю пад назваю «Дзе абняліся Дзвіна з Палатою». Яе аўтар – вядучы навуковы супрацоўнік Музея беларускага кнігадрукавання Вера Ашуева.

Пра Веру Ашуеву мы ўжо распавядалі нашым чытачам. Яна рознабакова адораны чалавек. Адно з захапленняў – фатаграфія. Амаль штодня Вера робіць фотаздымкі Сафійскага Сабора, які бачыць з акна сваёй кватэры.

Выявы храма кожны раз атрымліваюцца рознымі, але заўсёды ўражваюць хараством. Побач з серыяй прац, прысвечаных аднаму з сімвалаў Полацка і ўсёй  Беларусі, на выставе дэманструюцца фотаздымкі, у якіх адлюстравана прыгажосць горада ў розныя поры года.

«Любоў да фатаграфіі і жаданне дарыць станоўчыя эмоцыі людзям паказвае ўсю тонкасць і лірызм душы аўтара. Яе работы напоўнены пачуццямі, эмоцыямі, якія зразумелыя любому гледачу», – так прадстаўляюць Веру Ашуеву арганізатары выставы.

Чытайце таксама: «Якая моц, прыгажосць, энергетыка!». Полацкі гурт «Варган» зладзіў Купалле па старажытных традыцыях

Рукотворное чудо. Тысячи удивительных снежинок вырезала и подарила друзьям Вера Ашуева из Полоцка

Уникальный женский костюм Полотчины представят в рамках программы «Славянского базара» в Витебске