Главная > Новости > Культура > Дзецям і дарослым тут адчыняюць Беларусь нанова: гід па Цэнтру рамёстваў і традыцыйнай культуры Наваполацка


Дзецям і дарослым тут адчыняюць Беларусь нанова: гід па Цэнтру рамёстваў і традыцыйнай культуры Наваполацка

23:59, 31.08.2020 1123 Источник: gorod214.by

Адно з самых каларытных месцаў у Наваполацку – Цэнтр рамёстваў і традыцыйнай культуры. У маладым горадзе менавіта майстры гэтага Цэнтра берагуць тое, што робіць нас беларусамі і нагадвае пра багатую гісторыю і культуру нашай зямлі. І не толькі берагуць, але і перадаюць сваё майстэрства. Мы падрыхтавалі гід па ўсім гурткам, на якія могуць запісацца дарослыя і дзеці. Выбірайце!

ramestva

Выцінанка

Для каго? Гурток па выцінанцы арыентаваны на розны ўзрост удзельнікаў. Малодшыя групы ад 6 да 12 год і ад 13 да 18 год; дарослая групы рознага ўзросту.

Чаму навучаць? У гуртку можна азнаёміцца з гісторыяй і асаблівасцямі выцінанкі на тэрыторыі Беларусі, авалодаць рознымі тэхнікамі выразкі, навучыцца рабіць аўтарскія карціны і паштоўкі з паперы. Магчыма распрацоўка і выразка ўзорнага трафарэта для набіванкі на адзенне.

Заняткі 2 разы ў тыдзень. Кошт заняткаў: 20 рублёў у месяц.

08

09

10

Пляценне паясоў

Для каго? Гурток па пляценню паясоў арыентаваны на дзяцей ад 10 год і дарослых любога ўзросту.

Чаму навучаць? У гуртку можна пазнаёміцца з гісторыяй пляцення паясоў, авалодаць тэхнікамі пляцення на бердзечку, дошчачках і калодачцы, навучыцца плясці традыцыйныя паясы, паясы з аўтарскім ўзорам на бердзечку, а таксама рабіць аўтарскія рэчы: бранзалеты, рамні, кашалькі, чахлы на мабільныя тэлефоны, мяшочкі для акуляраў і іншае.

Заняткі 2 разы ў тыдзень. Кошт заняткаў: 25 рублёў у месяц.

Беларускі традыцыйны касцюм

Для каго? Заняткі для тых, хто цікавіцца гісторыяй, этнагарфіяй і традыцыйнымі рамёствамі беларусаў.

Чаму навучаць? Падчас заняткаў удзельнікі пазнаёмяцца з рэгіянальнымі асаблівасцямі касцюма, навучацца шыць адзенне, аксэсуары беларускага строю, асвояць вышыўку і аздабленне, навучацца плесці паясы, простыя і складаныя.

Заняткі 2 разы ў тыдзень. Кошт заняткаў: 25 рублёў у месяц.

17

05

06

07

19

20

Качанне з воўны

Для каго? Студыя «Воўна» набірае усіх жадаючых на курс па вырабу прадметаў з воўны (упрыгожванні, аксесуары і г.д). Набіраем дзіцячую і дарослую групы.

Чаму навучаць? Калі вы жадаеце навучыцца ствараць непаўторныя рэчы з натуральных матэрыялаў, лёгка і хутка атрымаць веды і добра правесці час, то абавязкова далучайцеся да нас! Індывідуальны падыход, магчымасць удзелу ў выставах, конкурсах і рэалізацыя сябе як майстра!

Заняткі 2 разы ў тыдзень. Кошт заняткаў: 40 рублёў у месяц.

Лапікавае шыццё і мяккая цацка

Для каго? Гурток набірае малодшую групу (дзеці ад 8 год) і дарослую.

Чаму навучаць? Заняткі з малодшай групай арыентаваны на выраб лялек і цацак, дарослай – на аматарскі і прафесійны выраб адзення, аксэсуараў, лапікавых коўдр і шмат чаго іншага.

Заняткі 2 разы ў тыдзень. Кошт заняткаў: 20 рублёў у месяц.

18

Кераміка

Для каго? Набор дарослых ад 18 год.

Чаму навучаць? Удзельнікі навучацца рабіць простыя і складаныя рэчы з гліны, як дэкаратыўныя, так і практычныя.

Заняткі 2 разы ў тыдзень. Кошт заняткаў: 20 рублёў у месяц.

13

14



Ганчарства

Для каго? Набор дарослых ад 18 год.

Чаму навучаць? Удзельнікі гуртка асвояць работу на ганчарным крузе і з дапамогай гэтых ведаў смогуць вырабляць керамічны посуд рознага памеру і складанасці.

Заняткі 2 разы ў тыдзень. Кошт заняткаў: 20 рублёў у месяц.

15

16

Мастацкі роспіс

Для каго? У студыю запрашаюцца дарослыя ад 18 год.

Чаму навучаць? Навучанне прысвечана традыцыйным і сучасным відам роспісу фарбамі на тканіне і дрэве. Атрыманыя веды дазволяць ствараць як маленькія сувенірныя рэчы, так і вялікія карціны і маляваныя дываны.

Заняткі 2 разы ў тыдзень. Кошт заняткаў - 30 рублёў у месяц.

pwA2x9M9M4I_1

K3t3osEFP_8_1

Па кожнаму рамяству праводзяцца індывідуальныя і групавыя майстар-класы для ўсіх узростаў. Папярэдні запіс па тэлефоне 50-32-82.

Арганізацыйныя сустрэчы з кіраўнікамі студый адбудуцца 8 і 10 верасня ў 18-30 ў Цэнтры рамёстваў і традыцыйнай культуры горада Наваполацка (вул. Паркавая, д.1).

Тэлефон для даведак 50-32-82.

Народны гурт архаічных спеваў «Княжыч»

Для каго? Стаць удзельнікам гурта «Княжыч» можа кожны, каму больш за 14 гадоў і хто цікавіцца беларускай традыцыйнай культурай, хто творцы і ініцыятыўны, жадае праводзіць вольны час карысна для сабе і не толькі.

Чым мы займаемся? Вывучаем і захоўваем архаічны фальклор Беларусі, зберагаем і рэканструюем старажытныя абрады, ладзім традыцыйныя святы народнага календара, аднаўляем беларускі народны касцюм і шмат чаго іншага.

Удзел у гуртку бясплатны.

Спектаклі Народнага тэатра лялек «КапялюШ»

Спектаклі «КапелюШа» цікава глядзець і дзецям і дарослым.

Перад кожным прадстаўленнем кіраўнік тэатра Андрэй Рэцікаў расказвае пра гісторыю беларускай батлейкі (якой ужо больш за 500 год), паказвае розныя віды тэатральных лялек, як яны робяцца і рухаюцца.

Папярэдні запіс па тэлефоне 50-32-82. Кошт квітка 2 рублі. Групы ад 20 чалавек.

21

22

Мастацкі салон-магазін

У салоне-магазіне можна набыць па даступных цэнах унікальныя вырабы майстроў Цэнтра рамёстваў. Гэта ўпрыгожванні з натуральных матэрыялаў, керамічны посуд, вырабы ткацтва, кошыкі з лазы, паштоўкі, сумкі і шоперы, магніты і сувеніры з нацыянальнай сімволікай, цацкі і многае іншае.

Час працы: панядзелак-пятніца 10:00-18:00. Суполка Вконтакте тут.

03

04

01

Фота: Сяргей Крышэн

Чытайце таксамаМузей беларускага кнігадрукавання адзначыць юбілей новай выставай. Даведаліся, якой

Искусство, которое рядом. Оцените инстаграм-проект gorod214.by о художниках из Полоцка и Новополоцка

«Цуды полацкіх музеяў»: адшукалі самыя цікавыя экспанаты Музея кнігадрукавання (Фота)

Оставайтесь с нами в социальных сетях: 

facebook   social   insta   58cbe3ace31ff15adc715b82      







Не вижу код