Главная > Новости > Общество > Багач у музеі ткацтва: з крафтавымі сырамі, мёдам і песнямі віталі восень у Полацку


Багач у музеі ткацтва: з крафтавымі сырамі, мёдам і песнямі віталі восень у Полацку

17:55, 28.09.2022 1496 Источник: gorod214.by/

Музей традыцыйнага ткацтва Паазер’я запрасіў палачан і гасцей горада разам адзначыць Багач. Атмасферу традыцыйнага восеньскага свята беларусаў дапамог узнавіць фальклорны гурт «Варган».

DSC_4222

Восень багатая сваімі дарамі. І ў назве свята таксама гучыць матыў багацця. Яно прымеркавана да завяршэння цыклу вырошчвання ўраджаю і мае глыбокі сімвалізм.

DSC_4178

Вось як патлумачыла ўдзел гурта «Варган» у свяце кіраўнік калектыву Вольга Емяльянчык:

«Беларуская традыцыйная культура багатая сваімі звычаямі і каляндарнымі святамі. Увосень па ўсёй Беларусі была пашырана традыцыя адзначаць Багач. Самім Багачом называюць лубок з зернем, якое па жменьцы насыпалі ўсе ўдзельнікі вясковай грамады. У сярэдзіну кошыка ставілі свечку і абыходзілі з ім вёску, а потым пакідалі ў аднаго з гаспадароў да новага ўраджаю. Багач сімвалізаваў абшчыннасць, агульную долю, дабрабыт, які імкнуліся павялічыць вяскоўцы.

Тут, у музеі ткацтва, мы даем палачанам магчымасць спрычыніцца да традыцыі, паглядзець, як гэта выглядала, спяваем восеньскія песні. А потым у календары наступае самы маўклівы перыяд, хутка пачынаецца пост, і мы будзем рыхтавацца да Калядаў, каб зноў прыйсці у музей і нагадаць жыхарам горада, як адзначалі свята нашы продкі».

DSC_4159

DSC_4185

Пасля дэманстрацыі сімвалічных абрадавых дзеянняў варганаўцы запрасілі ўдзельнікаў свята развучыць беларускія народныя танцы і гульні.

DSC_4225_2

DSC_4214

У дворыку музея арганізатары зладзілі таксама дэгустацыю сыроў і мёду, частавалі гасцей духмянай гарбатай.

Мёд прэзентаваў пчаляр з 20-гадовым стажам Уладзімір Лаўрыновіч, якому ў свой час прысуджалі тытул «Мядовы кароль Полацка». Так што мёд быў сапраўды каралеўскі, а гаспадар шчодра дзяліўся парадамі на салодкую тэму.



DSC_4334_1 

Хатнімі сырамі частавалі прысутных Іна і Вальдэмар Зелянко, пра якіх мы нядаўна распавядалі нашым чытачам. Сямейная пара распачала сваю справу не столькі для бізнесу, як для таго, каб пазнаёміць беларусаў з культурным складнікам прадукта, узбагаціць суайчыннікаў ведамі пра гісторыю і сакрэты сыраварства. Удзел у свяце стаў працягам такога знаёмства. Тым больш, што ў музеі сабралася шмат дзяцей, а культуру спажывання як раз і трэба прывіваць з дзяцінства.

DSC_4307

 

DSC_4262_1

DSC_4244

DSC_4252

DSC_4236

DSC_4332

DSC_4276_1

Чытайце таксама: Цяпло вогнішча і таямнічасць старажытных рытуалаў. Паглядзіце, як святкавалі Багач на Полаччыне (фота)

«Якая моц, прыгажосць, энергетыка!». Полацкі гурт «Варган» зладзіў Купалле па старажытных традыцыях

В Полоцке и Новополоцке пройдут большие осенние ярмарки. Можно купить живую рыбу, картофель, овощи

Оставайтесь с нами в социальных сетях: 

facebook   social   insta   58cbe3ace31ff15adc715b82      







Не вижу код