25 снежня каталіцкія, грэка-каталіцкія і пратэстанцкія вернікі сьвяткуюць урачыстасць Божага Нараджэньня. У храмах па ўсёй краіне праходзяць святочныя набажэнствы. Паглядзіце, якая атмасфера панавала ў касцёле Найсвяцейшага Сэрца Езуса Хрыста ў Наваполацку, які наведаў карэспандэнт Gorod214.
Фота: Кірыл Смалякоў
«Божае Нараджэнне — асаблівая пара года; гэта час, калі наш дух, перапоўнены радасцю, узвышаецца да Бога… Бог сышоў на зямлю, каб чалавек мог трапіць на неба. Ён стаў бедным, каб мы былі духоўна багатымі», – з такім напамінам звярнуўся сёлета да вернікаў у сваім Пасланні Мітрапаліт Мінска-Магілёўскі арцыбіскуп Юзаф Станеўскі.
«Ва ўрачыстаць Божага Нараджэння, – адзначыў ён, – мы адчуваем блізкасць і моц Бога, якой бы складанай ні здавалася сітуацыя, у якой мы знаходзімся. Нягледзячы на разнастайныя цяжкасці і праблемы, будзем старацца даручаць нашую будучыню Божаму Провіду. Будзем жа абвяшчаць сучаснаму свету дар бэтлеемскай весткі супакою і справядлівасці, салідарнасці і прабачэння. Няхай у нашых сэрцах запануе дабрыня да бліжніх і надзея на штодзённую блізкасць Збаўцы».
У Наваполацку, як і па ўсёй Беларусі, каталікі сабраліся разам, каб узрадавацца святу, падзякаць Богу за тое, што ён прыйшоў у свет і выявіў людзям сваю любоў.
Ксёндз Аляксандр Чайкоўскі павіншаваў вернікаў, падзякаваў усім, хто спрычыніўся да ўрачыстасці, пажадаў, каб святы сталі для нас часам аднаўлення і ўмацавання ў веры, часам узаемнай надзеі, якая дазваляе перамагчы страты і з аптымізмам глядзець у будучыню.
«Няхай змілуецца над намі Бог усемагутны, адпусціўшы нам грахі, і вядзе нас да жыцця лепшага», – маліліся вернікі.
Чытайце таксама: «Бог з намі». Біскуп Віцебскі Алег Буткевіч павіншаваў вернікаў са Святам Божага нараджэння (відэа)
Майстар па саломапляценню Нэлі Радзько прэзентуе магічную выставу ў Наваполацку
Оставайтесь с нами в социальных сетях:
